Tau 8 hnub tsis pom muaj leejtwg kis mob COVID-19 ntxiv lawm. Ib tug ntxhais Hmoob nyob xeev Ha Giang yog tus kawg uas tau tus kab mob. Tamsim no, tagnrho tebchaws muaj 268 leej raug tus kab mob no. Muaj txog 224 leeg twb zoo lawm. Tsis tau muaj ib tug pejxeem Vietnam tuag los ntawm tus kab mob COVID-19.
Nag hmo, tseem fwv tebchaws tau tso cai rau lub nroog Hanoi rov qhib kev ua lag ua luam zuj zus. Tsheb qhua yuav pib khiav ib lub xeev mus rau ib lub xeev. Tsis tas li ntawd, dav hlau yuav pib xa qhua nyob hauv tebchaws. Tamsim no tseem tsis tau pub mus txawv tebchaws. Tsev kawm ntawv yuav rov qab qhib dua hnub xiab 4 lub 5 hli ntuj rau cov kawm qib siab. Cov tsev kawm rau menyuam yaus yuav tos txog hnub 11 lub 5 hli ntuj. Kev pehawm thiab sib tw uasi tseem tsis tau pub qhib.
(c) Copyright 2020 HMOOB.TV
Leave a Reply