Cobtsib (Vietnam): Tagnrho Vietnam muaj 268 leej raug kab mob COVID-19. Hnub 16 lub 4 hli ntuj yog hnub kawg uas tseem fwv tebchaws txwv tsis pub pejxeem tawm nraum zoov. Tebchaws yuav pib qhib zuj zus, tiamsis tej lub nroog thiab xeev yuav muaj kev tswjfwm ntxiv kom tsis txhob kis cov kab mob.
Lostsuas (Laos): Tsis tau muaj leejtwg raug kab mob COVID-19 tau 5 hnub lawm. Tseem fwv tau tshaj tawm hais tias yuav tsis pub pejxeem tawm sab nraud mus txog hnub 3 lub 5 hlI ntuj. Nomtswv nqua hu pejxeem sawvdaws koom tes rau kev tiv thaiv yus tus kheej thiab tsev neeg thiaj muaj kev vam meej rau lub tebchaws thaum tej kab mob no dua mus lawm.
Thaibteb (Thailand): Muaj 28 leej raug kab mob COVID-19 ntxiv rau hnub no. Tagnrho muaj 2700 leej neeg twb raug tus kab mob no lawm. Tseem fwv tebchaws yuav pib qhib tej lub khw thiab chaw ua haujlwm lub limtiam tom ntej no. Tsis tas li ntawd, pej xeem Thaib yuav tau txais kev pab cuam los ntawm nomtswv txog li 5,000 baht.
(c) Copyright 2020 HMOOB.TV
Leave a Reply